“Trupat që u gjetën në valixhe i përkasin çiftit shqiptar, në kërkim djali i tyre”
Trupat e copëtuar të gjetura në katër valixhet në Firence iu përkasin çiftit nga Vlora, Shpëtim dhe Teuta Pasho, të cilët rezultonin të zhdukur që prej 2 nëntorit 2015.
Ndërkohë, është shpallur në kërkim ndërkombëtar djali i tyre, Taulant Pasho, 33 vjeç. Ai ishte dënuar me 4 vite për lëndë narkotike.
Në nëntor të 2015, sipas “Corriere Della Sera”, Shpëtimi dhe Teuta shkuan para burgut Sollicciano për të takuar djalin e tyre, ditë kur edhe u lirua. Në të njëjtën datë, burrë e grua humbën gjurmët, për t’u gjetur 5 vite më vonë të copëtuar dhe futur në valixhe.
Taulant Pasho është personi kryesor që mund të zgjidhë misterin e vdekjes së prindërve të tij, të cilët shkuan nga Shqipëria për ta takuar. Nuk përjashtohet mundësia që kjo ngjarje horror të ketë ndodhur edhe si hakmarrje ndaj Taulantit.
