Donald Trump zgjodhi te zbusë tonet ne fjalimin e pare te tij përpara Kongresit. Ndryshe nga retorika e ashpër ndaj emigracionit te paligjshëm qe shoqëroi fushatën elektorale dhe muajin e pare si president, ai foli për një reforme te emigracionit, për te cilën kërkoi bashkëpunimin e republikaneve me demokratet.
“Unë besoj se reforma reale dhe pozitive e emigracionit është e mundur, për sa kohe fokusohet ne këto objektiva: te përmirësoje punët dhe pagat për amerikanet, te forcoje sigurinë e vendit dhe te riktheje respektin për ligjet tona. Reforma është e mundur nëse republikanet e demokratet ne Kongres kane vullnet për kompromis. Por emigracioni duhet te bazohet ne sistemin e meritës”.
Ky qëndrim erdhi disa ore pasi jashtë kamerave Trump u tha prezantuesve te lajmeve ne një dreke private me te ne Shtëpinë e Bardhe, se mund te ishte i hapur per te legalizuar emigrantet pa dokumenta. Lufta kundër terrorizmit ishte nje tjetër pike e fjalimit te tij dhe premtimi per ta zhdukur ketë armik u shoqërua me ovacione.
“Ne nuk mund te lejojmë qe vendi ynë te kthehet ne nje strehe per ekstremistet. Kjo është arsyeja se perse administrata ime po punon per te përmirësuar procedurat e Vetingut dhe ne do te marrim hapa te tjera per ta mbajtur vendin te sigurte dhe jashtë tij ata qe duan te na bëjnë keq.’
Trump solli edhe shembullin e nje ushtaraku te forcave SEAL te marinës te vrare ne Jemen, ndërsa bashkëshortja e tij e ftuar ne kongres nuk i mbajti dot lotët.
Te tjera premtime gjate fjalimit te presidentit ishin reforma e sistemit shëndetësor, rigjallërimi i ekonomisë, zhvillimi i industrisë dhe infrastrukturës rrugore. Persa i përket politikes se jashtme Trump tha se mbështetja per NATO-n do te vazhdoje, por nga partnerët e aleancës kërkoi të përmbushin detyrimet financiare.
Ligjërata nje oreshe ishte e mbushur me premtime, por Trump nuk specifikoi sesi do t’i arrinte ato.
