Pas acarimit të marrëdhënieve mes Koresë së Veriut dhe SHBA, Presidenti i amerikan Donald Trump, gjatë një fjalimi të gjatë në Arizona u shprehur optimist për një përmirësim të mundshëm të marrëdhënieve për programin bërthamor të Phenianit. Shefi i Shtëpisë së Bardhë iu referua sjelljes së fundit të liderit koreano- verior.
“Unë e respektoj për faktin se ai po fillon të na respektojë. Dhe ndoshta, ndoshta jo, por mbase, diçka pozitive mund të ndodhë.”
Por gjatë fjalimit të tij të gjatë, Trump u ndal edhe tek dhuna mes ekstremistëve të bardhë dhe protestuesve të krahut të majtë në Virginia në 12 gusht. Ai I bëri thirrje mediave për unitet, teksa i akuzoi se janë bërë mbështetëse të grupeve të ekstremit të djathtë.
“Une nuk thashë se të dua sepse je i zi, ose të dua sepse je i bardhë, unë i dua të gjithë njerëzit e vendit tonë.”
Por, komentet e Trump nuk janë pritur mirë gjatë konferencës. Dhjetëra protestues anti-Trump janë përleshur me policinë duke hedhur shishe molotov dhe gurë, duke e detyruar këtë të fundit të përdorë gazin lotësjellës.
