Trump: Të shpëtojme Amerikën, me të majtën radikale në pushtet në SHBA janë shtuar problemet
Ish-presidenti Donald Trump vijon fushatën e tij elektorale nën moton “Të shpëtojmë Amerikën!”, duke kritikuar pasardhësin e tij se e ka lënë vendin në mëshirë të fatit.
Përpara mijëra mbështetësve në Conroe, Texas Trump kërkoi që të rikthejnë shumicën republikane në Kongres, për të kthyer Amerikën të parën. Në zgjedhjet e ndërmjetme të vitit 2022 është në diksutim diferenca e vogël që kanë demokratët si shumicë në të dyja dhomat e Kongresit amerikan.
DONALD TRUMP
ISH-PRESIDENT, SHBA“Patëm një fitore të madhe në shtetin e Teksasit dhe së bashku ne duhet të shpëtojmë Amerikën. Ajo që Xho Bajdën dhe Pelosi i kanë bërë vendit tonë në vetëm një vit, është e pabesueshme. Inflacioni, ccmimet e gazit po rriten, raftet janë bosh, vrasjet janë shtuar, Kina po kërcënon Taivanin, Irani po zhvillon armët bërthamore, Rusia mund të pushtojë Ukrainën e shumë të tjera. Me Biden dhe të majtën radikale, Amerika është gjithmonë e fundit, të gjithë në Uashington janë të fiksuar të mbrojnë kufijtë e Ukrainës dhe kanë lënë në harresë kufijtë e amerikës. ”
Ish-presidenti Trump u shpreh se nëse kandidon dhe fiton, do t’i trajtojë me drejtësi të dënuarit e 6 janarit. Trump nuk ka dhënë deklarata të qarta për të ardhmen e tij politike, ndërsa deri tani ka patur vetëm spekulime, nëse ai do të kandidojë përsëri për zgjedhjet presidenciale në vitin 2024.
