Emigracioni dhe qëndrimet e ndryshme per te kane bere qe takimi i pare mes presidentit amerikan Trump dhe kancelares gjermane Merkel ne Uashington te jete i tendosur, aq sa ne fund te pritjes ne zyrën ovale dy liderët nuk kane shtrënguar duart, gjë qe ndodh zakonisht ne çdo takim te tille. Trump deklaroi se emigracioni nuk është nje e drejte, ndërsa Merkel ia ktheu se refugjatet mbrohen ne baze te konventave ndërkombëtare. NATO, tregtia, emigracioni dhe lufta kundër terrorizmit ishin temat kryesore te diskutuara mes presidentit amerikan Donald Trump dhe kancelares gjermane Angela Merkel gjate vizitës se pare te kësaj te fundit ne Shtëpinë e Bardhe. Trump rikonfirmoi mbështetjen për aleancën e NATO-s, duke përsëritur kërkesën e tij që të gjitha vendet anëtare të paguajnë pjesën e tyre.

 

 “Një Amerikë e fuqishme është në interes të të gjithë botës. Ne jemi për fuqizimin e rolit te NATO-s dhe sigurisht do te vazhdojmë te jemi te përkushtuar ndaj aleancës, por presim qe çdo anëtar te luaje rolin e tij.” 

 

Nga ana e saj, Merkel theksoi se Gjermania do te përmbushe detyrimet.

 

 “Jemi te vetëdijshëm se nuk jemi ende ne nivelin e kërkuar te 2 përqindëshit te GDP-se per shpenzimet e mbrojtjes. Ka patur nje rritje ne buxhetin e këtij viti dhe tendenca do te jete per një rritje te vazhdueshme.”

 

Presidenti Trump beri edhe nje deklarate qe e la te befasuar kancelaren, kur tha se te dy kishin te paktën diçka te përbashkët, pasi ishin përgjuar.

Leave a Reply

Your email address will not be published. Required fields are marked *