Presidenti amerikan Donald Trump ka sulmuar ashpër mediat ne ditën qe shënonte 100-diteshin e tij te pare ne detyre. Ai i tha mbështetësve te tij gjate nje tubimi ne Pensilvani se po i mbante premtimet njëra pas tjetrës, duke hedhur poshtë kritikat e mediave, e duke i cilësuar ato “fake news” nga gazetaret qe jane jashtë realitetit. Trump vendosi te bojkotoje darken e korrespodentëve te Shtëpisë se Bardhe, presidenti i pare qe e ben diçka te tille qe kur Regani mungoi ne vitin 1981, pasi ishte i plagosur pas nje atentati qe iu be. Me herët, ne shume qytete amerikane u mbajtën protesta kundër nismave te tij per te ndryshuar politikat per klimën. Mbështetja ne sondazhe per Trump ka zbritur ne 40 perqind, shifra me e ulet e nje presidenti ne detyrë ne 100-diteshin e tij te pare. Ai sulmoi edhe darken e korrespodentëve, duke thëne se “nje grup i madh aktoresh te hollivudit dhe media te Uashingtonit po ngushëllonin veten ne nje darke shume te mërzitshme”. Por nga darka, gazetaret i janë përgjigjur kritikave te Trump, madje disa prej tyre duke bere ironi me te. Brenda nje periudhe shume te shkurtër, republikani ia ka dale te behet armik me mediat dhe kjo nuk gjykohet si nje shenje e mire ne 100-diteshin e tij te pare ne detyre.
