Me nje vendim te papritur, kandidati republikan per president te SHBA, Donald Trump ka pushuar menaxherin e fushatës se tij. Nje zedhenese deklaroi se Corey Lewandowski, nuk do te punoje me me skuadrën, e cila i eshte mirënjohëse per punën e madhe dhe përkushtimin. Shkaku per kete vendim nuk dihet ende, por largimi i Levandovskit vjen ne nje kohe kur Trump po has ne rezistence te forte nga figura te rëndësishme te partisë per shkak te politikes se ashpër ndaj emigranteve. Mes kritikeve eshte edhe kreu i dhomes se përfaqësuesve, Paul Ryan qe ka lene te hapur edhe mundësinë e nje revolte te mundshme kundër Trump ne konventën e muajit te ardhshëm. Multimiliarderi eshte kritikuar per deklaratën e bere pas sulmit ne Orlando se nuk do te lejoje myslimanet te hyjne ne vend pas sulmit ne Orlando. Sipas televizionit CNN, Trump eshte vene nen presion nga këshilltaret e tij me te afert, veçanërisht pjesëtarë te familjes per te luftuar me shume ne fushate. E bija e tij Ivanka qe luan nje rol thelbësor ne fushate besohet te kete bindur Trump per te marre kete vendim. Ajo e ka kritikuar Levandovskin muajt e fundit pasi e shihte ate si pengese per afrimin ne fushate te strategeve veterane.

Leave a Reply

Your email address will not be published.