Presidenti amerikan Donald Trump paralajmëroi se “gjëra të këqija” do të ndodhin nëse Irani nuk arrin një marrëveshje me Shtetet e Bashkuara.
“Tani për tani po flasim me ta, po flasim me Iranin dhe nëse mund të gjejmë një zgjidhje, kjo do të ishte shumë mirë. Dhe nëse nuk mundemi, ndoshta do të ndodhin gjëra të këqija”, tha Trump.
Mes tensionet në rritje, kreu i Shtëpisë së Bardhë refuzoi të diskutonte ndonjë veprim të mundshëm ushtarak kundër Iranit, por përsëriti se “forca e jashtëzakonshme”, përfshirë një aeroplanmbajtëse që ai ka dërguar në Lindjen e Mesme, do të mbërrijë së shpejti në rajon.
Irani konfirmoi një ditë më parë se po përgatitej për bisedime me Uashingtonin, veçanërisht mbi programin e energjisë bërthamore të vendit, pas javësh shkëmbimi kërcënimesh.
Në qershor të vitit 2025, Izraeli, i mbështetur nga Uashingtoni, nisi një sulm 12-ditor ndaj Iranit që shënjestroi qendrat ushtarake dhe bërthamore, si dhe infrastrukturën civile ku u vranë komandantë të lartë dhe shkencëtarë.
Teherani u përgjigj duke goditur qendrat ushtarake dhe të inteligjencës izraelite me raketa dhe dronë përpara se Uashingtoni të kryente një valë sulmesh ndaj qendrave bërthamore iraniane.
Presidenti amerikan ka kërcënuar me veprime ushtarake kundër Iranit mes tensioneve në rritje pas protestave antiqeveritare që filluan në fund të dhjetorit.
