Kandidati republikan per president Donald Trump është zotuar për të dëbuar që ditën e parë nga Shtetet e Bashkuara të Amerikës, të gjithë emigrantët ilegalë me precedent penalë. Këto komente, miliarderi i ka bërë gjatë një tubimi elektoral në Iowa.
“Që në ditën e parë do të fillojë punën për të larguar emigrantët ilegalë në SHBA, të cilët kanë kryer krime në vend. Gjithashtu do të largojë nga vendi edhe ata mijëra emigrant që janë liruar nga administrata e papërgjegjshme Obama-Klinton. Do krijohet një institute kombëtar elektronik që do të verifikojë dhe ndaloj këta refugjatë për të hyrë në vendin tonë.”
Dëbimi i emigrantëve ilegalë ka qenë një nga prioritetet e tij zgjedhore në garën brenda partisë, e cila është mbështetur gjerësisht nga konservatorët. Madje Trump u bë objekt i satirës në programet televizive, kur shprehej se do të ishte i gatshëm të ndërtonte një mur përgjatë gjithë kufirit me Meksikën.
