Ndërsa qyteti amerikan i Miluokit është përfshirë nga protestat pas vrasjes se nje personi me ngjyre nga policia, kandidati republikan per president Donald Trump ka befasuar me nje tjetër deklarate. Ai ka dale ne mbrojtje te forcave te rendit, duke u shprehur se provat fillestare tregojnë se vrasja ishte e justifikuar. Ai sulmoi edhe rivalen demokrate Clinton.
“Hillary do te mbronte sulmuesin dhe jo viktimen. Duhet t’i bindemi ligjit, përndryshe nuk kemi një komb. Arma ishte drejtuar ndaj nje polici dhe ishte gati të qellonte. Askush s’mund ta kundërshtojë këtë. Nëse kjo është e vërtetë, njerëzit nuk duhet të ngrihen në revolta”.
Trump beri përgjegjëse Clinton per reagimet ne Milouki, duke e cilësuar ate mbështetëse te personave qe e shohin policinë si nje force raciste ne SHBA. Ai tha se lufta ndaj policisë është luftë kundër qytetarëve paqësorë që duan të punojnë, të jetojnë te qetë e të dërgojnë fëmijët me siguri të plotë në shkolla. Nje seri vrasjesh te afro-amerikaneve nga policia kane shkaktuar nje vale protestash ne SHBA, ku protestuesit akuzojnë forcat e rendit per përdorimin e tepruar te forcës. Ndërkaq, sipas sondazheve te fundit, Clinton kryeson me 9 pike kundrejt rivalit Trump. Ky i fundit ka ndryshuar per te dytën here ne dy muaj drejtuesit e fushatës se tij elektorale, menaxherin dhe drejtorin ekzekutiv.
