Kandidati republikan per Shtëpinë e Bardhe, Donad Trump, ka bere nje hap pas nga deklarata e tij per ndalimin e hyrjes se myslimaneve ne SHBA, nëse do te zgjidhej president. I pyetur nga nje gazetar i radios “Fox News”, Trump deklaroi se ai kishte bere vetëm nje sugjerim. “Është nje ndalim i përkohshëm dhe nuk e kam kërkuar ende, ishte nje sugjerim derisa te kuptojmë se ç’po ndodh”, eshte përgjigjur Trump. Komentet e biznesmenit ngjallen kritika jo vetëm ne SHBA, por edhe jashtë saj, por Trump e argumentoi propozimin me nevojën qe Amerika te jete nje vend i sigurte. Per këtë çështje kandidati republikan u përfshi ne nje debat ne distance me kryebashkiakun e ri te Londrës, te besimit mysliman Sadik Khan, per te cilin tha se do te bënte nje përjashtim dhe do ta lejonte te udhëtonte ne SHBA, por Khan e refuzoi ofertën. Madje i cilësoi pikëpamjet e tij injorante dhe qe do t’i bënin Amerikën dhe Britaninë vende me pak te sigurta.
Ditet e fundit Trump ka ndryshuar qëndrim per disa ceshtje dhe retorika e tij e zbutur ndaj myslimaneve vjen ne prag te takimit me kreun e dhomës se përfaqësuesve Paul Ryan. Kur Trump e beri fillimisht propozimin ai shkaktoi jo pak debate edhe mes republikaneve dhe Ryan e beri te qarte se nuk mund te mbështesë nje kandidat, i cili nuk ndan vlerat dhe parimet konservatore.

Leave a Reply

Your email address will not be published. Required fields are marked *