I mbetur i vetëm ne garën e republikaneve per president, Donald Trump vazhdon te zbusë qëndrimin ndaj muslimaneve. Deklaratat e tij te kohëve te fundit janë shume larg atyre te nisjes se fushatës, kur kishte propozuar ndalimin e përkohshëm te hyrjes se tyre ne SHBA. Tani miliarderi thotë se nuk është nje anti musliman, por një antiterrorist.
“Bota ka nje problem te tmerrshëm me terrorin e islamisteve radikale. Nëse shikoni, bota po shpërthen dhe nuk jane njerëzit nga Suedia qe po bejne demin. U takon muslimaneve te bashkëpunojnë me policinë dhe te dorëzojnë personat e dyshuar per ekstremizëm”.
Komentet Trump i beri gjate nje interviste ne nje program televiziv ne rrjetin britanik ITV. Ai mbrojti idenë se thirrjet per ndalimin e muslimaneve ishin kritikuar vetëm nga politikanet dhe jo nga shumica e njerëzve. Ndërkaq, ne nje tjetër interviste, kësaj here per nje radio amerikane Trump foli edhe per rrezikun qe vjen nga refugjatet e zonave te luftës. Emigrantet sipas tij, mund te kryejnë nje sulm terrorist te krahasueshëm per nga përmasat me ate te 11 shtatorit 2001. Trump ka komentuar edhe referendumin e pritshëm per daljen ose qëndrimin e Britanisë ne BE, duke thëne se u takon votuesve te bëjnë zgjedhjen. Por ai shtoi se negociatat e tregtisë me Britaninë nuk do te dëmtohen, edhe nëse vendi do te braktise unionin, qe nuk nguroi ta quaje burokratik.
