Multimiliarderi Donald Trump i afrohet presidencës amerikane pas fitores ne tre shtete te tjera, Michigan, Mississippi dhe Hawai. Ne kete mënyre ai ka rritur presionin ndaj rivaleve qe nuk po e ndjekin dot. Përballja e vetme qe fitoi nje nga kundërshtaret e tij, Ted Cruz ishte ajo ne Idaho.
Donald Trump:
Pjesëmarrja ka qene masive çdo jave. Kemi demokrate, dhe kjo është shume e rëndësishme, kemi te pavarur. Kemi njerëz qe nuk kane votuar kurrë per republikanet dhe as qe e kishin menduar ketë me pare.
Trump ecën kështu i sigurt drejt votimeve te 15 marsit ne pese shtete te tjera te rëndësishme. Ne kampin e demokrateve senatori i Vermontit, Bernie Sanders arriti nje fitore surprize ne Michigan, por rivalja e tij Clinton triumfoi ne Mississippi.
Bernie Sanders:
Fushata e Sanders, revolucioni i njerëzve, revolucioni politik per te cilin po flasim është i forte ne çdo pjese te vendit. Ne besojmë se nuk kemi mbërritur ende ne zonat qe jane pikat tona me te forta.
Hillary Clinton:
Amerika u përket te gjithëve, jo vetëm atyre qe janë te suksesshëm. Unë dua te jem presidente jo per te suksesshmit qe nuk kane nevoje per mua, por per ata qe luftojnë, qe kane nje ëndërr dhe qe kërkojnë nje mënyre per ta arritur. Te kandidosh per president nuk do te thotë te fyesh, por te japësh rezultate.
Por pavarësisht revolucionit qe shpreson te beje Sanders, Clinton kryeson deri tani ne garën per president.
