Për të parandaluar rrezikun nga grupet radikale islamike kandidati republikan, Donald Trump, ka propozuar vetingun ekstrem për emigrantët. Duke folur nga Ohajo, biznesmeni i njohur tha se kërcënimi kryesor me të cilin përballet sot bota dhe Shtetet e Bashkuara të Amerikës është lufta ndaj terrorizmit.
“Gjate luftës së ftohë ne i jemi nënshtruar një testi ideologjik. Ka ardhur koha që ne të zhvillojmë të test të ri për kërcënimet e reja me të cilat ne përballemi sot. Këtë unë e quaj Vetingu Ekstrem. Vendi ynë ka shumë probleme dhe ne nuk duam probleme të tjera”.
Sipas planit të Donald Trump, emigrantët që do të kërkojnë leje qëndrim në SHBA, do t’i nënshtrohen një testi rreth qëndrimit të tyre për komunitetin LGBT dhe tolerancën fetare. Kandidati republikan tha se asnjë person, nuk do të pranohet në vend nëse ai, nuk ndan vlerat perëndimore. I menjëhershëm ka qene reagimi i zyrës së shtypit të Klinton. Në një komunikatë të lëshuar thuhet se vetingu i Trump është nje plan qesharak, për sa kohë dhe krahu i djathtë i tij, Mike Pence ka mbajtur një qëndrim kundër martesave mes personave të të njëjtës gjini në Indiana.
