President i SHBA-ve Donald Trump ka reaguar së fundmi duke thënë se lufta mes Rusisë dhe Ukrainës mund të marri fund shumë shpejt pas diskutimeve mes negociatoreve të SHBA-ve dhe kreut të Kremlinit një ditë më parë.
“Ne zhvilluam bisedime shumë të mira dhe frytdhënëse dje me presidentin e Rusisë, Vladimir Puti, dhe ka shumë mundësi që kjo luftë e tmerrshme dhe e përgjakshme të marrë fund përfundimisht”, tha Trump.
Ai po ashtu theksoi se i ka kërkuar Putinit ti kursejë jetën trupave ukrainas të cilët janë plotësisht të rrethuar. Por në postimin e tij kreu i Shtëpisë së Bardhë nuk tregoi nëse ka folur vetë apo jo me Putin.
Më herët Presidenti ukrainas Volodymyr Zelensky akuzoi presidentin rus Vladimir Putin se po përgatitet të refuzojë” armëpushimin e propozuar nga uashingtoni .
“Putin ka frike ti thotë presidentit Trump se ai dëshiron të vazhdojë konfliktin.Tani të gjithë kemi dëgjuar nga Rusia fjalë që priteshin , shumë manipuluese nga Putini në përgjigje të idesë së heshtjes në front – ai në të vërtetë po përgatit një refuzim që tani. Putini e bën shpesh këtë – ai nuk thotë ‘jo’ drejtpërdrejt, por e bën këtë në një mënyrë që praktikisht vetëm vonon gjithçka dhe i bën të pamundura vendimet normale”, tha Zelensky.
Më tej presidenti ukrainas i bëri thirrje ndërkombëtarëve pë të rritur presionin ndaj Putinit.
“Siç kemi thënë gjithmonë, e vetmja që pengon, e vetmja që është jokonstruktive, është Rusia. Ata kanë nevojë për këtë luftë. Putini ka vjedhur vite paqeje dhe vazhdon këtë luftë ditë pas dite. Tani është koha për të rritur presionin ndaj tij. Duhet të zbatohen sanksione – ato që do të funksionojnë. Ne do të vazhdojmë të punojmë me partnerët tanë amerikanë dhe evropianë dhe me të gjithë në botë që duan paqen – për të detyruar Rusinë t’i japë fund kësaj lufte”, u shpreh Zelensky.
Ndërkohë edhe edhe Udhëheqësi i Arabisë Saudite, Muhamed Bin Selman i tha presidentit rus, Vladimir Putin, se shteti i tij mbështet “të gjitha nismat” për përfundimin e luftës në Ukrainë.
