Vetëm katër ditë pas samitit në Helsinki, presidenti i SHBA Donald Trump dha udhëzime për këshilltarin e tij për sigurinë kombëtare Xhon Bolton për të ftuar presidentin rus Vladimir Putin në Uashington në vjeshtë.

 

Zëdhënësja e Shtëpisë së Bardhë Sarah Sanders tha se bisedimet mbi organizimin e një takimi të dytë midis Trump dhe Putin janë “në progres”.

 

“Presidenti Trump i kërkoi John Bolton për të ftuar Presidentin Putin në Uashington në vjeshtë dhe këto diskutime janë tashmë duke u zhvilluar”, ka shkruar Sanders në postimin e saj në Twitter. Ende nuk ka nga Moska një konfirmim të këtij raundi të dytë. Dy liderët zhvilluan një samit në Finlandë të martën, por shumë pak detaje, për të mos thënë asgjë, janë marrë vesh nga diskutimet e tyre. Kritikët e Trumpit thonë se nuk duhet të ketë një takim të dytë me Putinin, pa bërë publike së pari se çfarë u diskutua në takimin e Helsinkit.

 

Më herët kreu i Shtëpisë së Bardhë ka thënë se mezi priste që ta takonte sërish Presidentin Putin për të zbatuar disa prej çështjeve të diskutuara, duke përfshirë ndalimin e terrorizmit, sigurinë për Izraelin, mospërhapjen e armëve bërthamore, sulmet kibernetike, tregtinë, Ukrainën, paqen në Lindjen e Mesme, Korenë e Veriut dhe më shumë.

 

Leave a Reply

Your email address will not be published.