Presidenti i Shteteve të Bashkuara të Amerikës, Donald Trump pritet te mbaje sot fjalimin e shumëpritur drejtuar kombit amerikan.
Fjalimi ne kongres vjen pas një viti si president i SHBA-ve dhe është i dyti pas inaugurimit të tij në muajin shkurt të 2017-ës.
Sipas Kushtetutës, presidenti do të informojë Kongresin mbi situatën aktuale të SHBA-ve, traditë kjo që daton që nga viti 1913.
Fjalimi do t’i japë njëherësh mundësinë Doland Trump të paraqesë axhendën e tij për vitin e ardhshëm.
Mendohet se shefi i shtëpisë se bardhe do të flasë për planin strategjik “Amerika e Para”, ecurinë e ekonomisë, infrastrukturën, emigracionin, tregtinë dhe sigurinë kombëtare.
Por, nuk përjashtohet as mundësia që Trump ta paraqesë veten si “viktimë” e raportimeve të rreme të mediave dhe “gjuetisë” së Prokurorit Special Robert Mueller, për ndërhyrjen e Rusisë në zgjedhjet presidenciale të 2016-s.
Megjithatë, fjalimi mbrëmjen e kësaj të marte, mund të hedhë dritë mbi planet e ardhshme të administratës amerikane.