Trump emëron gjeneralin Kelly shef të Shtëpisë së Bardhë

Gjenerali në pension John Kelly, do të zëvendësojë Reince Priebus, si shef kabineti në Shtëpinë e Bardhë. Vendimi i presidentit Trump erdhi pas disa ditë tensionesh publike mes Priebus dhe drejtorit të ri të komunikimit, Anthony Scaramucci. Kreu i Shtëpisë së Bardhë njoftoi të premten pasdite nëpërmjet Tweeter-it, se kishte emëruar sekretarin e sigurisë kombëtare gjeneralin John Kelly,  si shef kabineti. Kelly, i cili ka një karrierë 40-vjeçare me trupat e marinsave dhe ka qenë sekretari i sigurisë kombëtare në kabinetin Trump për shtatë muajt e presidencës,  e fillon punën zyrtarisht të hënën, më datë 31 korrik. Ai do të jetë gjenerali i dytë ushtarak, që do të shërbejë si shef ikabinetit të Shtëpisë së Bardhë.