Trump: Do vendos tarifa ndaj BE! Presidenti i SHBA paralajmeron masa edhe ndaj importeve kineze
Në një konferencë me gazetarët, presidenti i Shteteve të Bashkuara të Amerikës, Donald Trump, është zotuar të martën se do të vendosë tarifa ndaj Bashkimit Evropian.
“Bashkimi Europian është shumë shumë i keq me ne. Ata na trajtojnë shumë keq. Ne kemi një deficit prej 350 miliardë dollarë me Bashkimin Europian. Do të ketë tarifa për ta”, tha Trump.
Ai theksoi se administrata e tij po shqyrton një tarifë ndëshkuese prej 10 përqind edhe ndaj importeve kineze, sepse fentanili po dërgohet nga Kina në SHBA përmes Meksikës dhe Kanadasë.
“Ne po flasim për një tarife prej 10% ndaj Kinës bazuar ne faktin se ata po dërgojnë fentanil në SHBA nga Meksika dhe Kanadaja. Ndoshta 1 shkurti do të jetë data që po shohim”, shtoi Presidenti i SHBA.
Ndërsa u pyet çfarë do të ndodhte nëse presidenti rus nuk do të vinte në tryezë për të negociuar që t’i jepet fund luftës, Donald Trump konfirmoi se është e mundshme që ti vendosen sanksione shtesë./vizionplus.tv
