Kandidati republikan Donald Trump dhe ajo demokrate Hillari Klinton kanë korrur respektivisht fitore në shtetin e Nju Jorkut, ku janë zhvilluar zgjedhjet brenda dy partive, duke u projektuar si dy kandidatet që do rivalizojnë njeri – tjetrin për të marre drejtimin e Shtëpisë së Bardhe. Biznesmeni i njohur ka fituar 60% te votave ne vendlindjen e tij. Duke folur pas daljes së rezultateve paraprake Trump tha nga Manhatani se është e jashtëzakonshme që të marrësh një mbështetje të fuqishme nga personat që të njohin. Me këtë fitore Trump thellon me rreth 300 delegat diferencën me rivalin ndjekëse Ted Kruz, i cili matematikisht është thuajse humbës. Nga ana tjetër dhe Klinton ka marrë një mbështetje të madhe në Nju Jork, si një ish-senatore e këtij shteti, pavarësisht se në garë kishte kandidatin Sanders, i cili ka vendlindjen e tij në Bruklin. Ajo tha pas këtij rezultati nju jorkezët e kanë mbështetur atë gjithnjë dhe për këtë u është mirënjohëse. Në total Klinton kryeson me 1893 delegat dhe i duhet dhe 490 të tjerë për të shpallur zyrtarisht fitoren në garën brenda demokratëve, ndërsa Sendersit i nevojiten dhe rreth 1200 delegatë.
