Kur mbetet me pak se nje jave nga data e zgjedhjeve presidenciale amerikane, fushata dhe sulmet mes kandidateve kane arritur kulmin. Kandidatja demokrate e ka sulmuar serish rivalin e saj Donald Tramp, duke e cilësuar ate “bullist” per kritikat ndaj femrave dhe sjelljen ndaj tyre. Duke folur nga Florida, zonja Klinton theksoi se Tramp ka nje historik 30-vjeçar ngacmimesh, sharjesh dhe sulmesh ndaj grave.
“E kam mësuar qe kur isha ne shkolle fillore se nuk eshte asnjëherë mire te ofendosh te tjerët. Ndersa Donaldi e ka bere kete per vite e vite me radhe, duke i fyer femrat, duke i sulmuar, duke i ngacmuar ne te gjitha drejtimet.”
Trump u kundërpërgjigj duke e cilësuar Klintonin te korruptuar dhe duke u shprehur se ajo do ta shkatërroje përfundimisht sistemin shëndetësor amerikan.
“A mund t’i besohet presidenca nje njeriu qe nuk kontrollon dot as adresën e vet te e-mailit. Ajo eshte tërësisht e korruptuar, e kapur. Nese votoni per te, te nesermen do te zgjoheni me dhimbje koke e me probleme gjithandej.”
Pas rihapjes se hetimeve per e-mailet e saj, FBI i ka dhënë nje tjeter goditje Klinton, duke publikuar ne faqen e saj te internetit dosjen e nje hetimi qe ndodhej ne arkiva dhe i perket kohes kur president ishte Bill Klinton ne vitin 2001. Ai i kishte ofruar amnisti nje miku te tij financier qe u arratis ne Zvicer per t’i shpëtuar akuzave per evazion fiskal, akuza per te cilat ishte dënuar ne vitin 1983. Kështu FBI shfaqet ne nje pozicion te paprecedente, ne qender te garës presidenciale ne prag te zgjedhjeve. Edhe beteja e sondazheve vijon, ku dy rivalet jane koke me koke. Ne nje ankete te zhvilluar nga CNN/ORC ne kater shtete te konsideruara te rëndësishme per garën presidenciale rezulton se Klinton kryeson ne Pensilvani e Florida, ndersa Trump ne Nevada dhe Arizona.
