Një tjetër sulm kamikaz tronditi Indonezinë pas shpërthimeve vdekjeprurëse të së dielës në tre kisha, ku u vranë 13 persona dhe u plagosen disa të tjerë.
Rreth orës 8:50 sipas orës lokale, dy persona në një motoçikletë kryen një sulm kamikaz në zyrat qendrore të policisë në Surabaya të Indonezisë. Të paktën 10 zyrtarë policie u plagosen, ndërsa ende nuk është i qartë numri i viktimave.
Autoritetet raportuan se të paktën 13 persona kanë humbur jetën deri më tani nga vala e sulmeve, dhe më shumë se 40 të tjerë janë plagosur. Autorët e sulmeve ne Kasha dyshohet se janë anëtarë të së njëjtës familje, e cila sapo ishte kthyer nga Siria.
Në sulmin e parë, dy djemtë, të moshës 16 dhe 18 vjeç, hynë me motoçikletë në Kishën Katolike Santa Maria dhe hodhën veten në erë. Babai la bashkëshorten dhe dy vajzat në një Kishë Kristiane, ku dhe ato hodhën veten në erë. Edhe vajzat, 9 dhe 12 vjeç, kishin bomba në trup, ashtu si e ëma e tyre, ndërsa babai përplasi makinën e mbushur me eksploziv në kishën e trete.
Organizata terroriste, ISIS pranoi autorësinë e sulmit që tronditi vendin me popullsinë më të madhe muslimane në botë. E diela shënoi ditën më vdekjeprurëse në Indonezi në më shumë se një dekadë.
