Tronditet Lezha/ Shpërthim i fuqishëm pranë Policisë, çfarë dyshohet

Një shpërthim i fuqishëm ka ndodhur vetëm pak minuta më parë në qytetin e Lezhë.

Ngjarja ka ndodhur në lagjen Besëlidhja, pranë një bar-kafeje, duke shkaktuar dëme të konsiderueshme materiale. Jo vetëm objekti ku ndodhi shpërthimi, por edhe biznese përreth dhe xhamat e pallateve janë dëmtuar nga forca e tij.

Sipas hetimeve paraprake, dyshohet se shpërthimi është shkaktuar nga një bombol gazi. Zhurma ka qenë shumë e fortë, duke bërë që një pjesë e banorëve të dalin jashtë të tronditur dhe të frikësuar.

Fatmirësisht, deri në këto momente nuk raportohen persona të lënduar. Autoritetet ndodhen në vendngjarje dhe po vijojnë hetimet për zbardhjen e plotë të rrethanave.

/vizionplus.tv