Një ngjarje e rëndë ka ndodhur në orët e para të mëngjesit të kësaj të diele në Gjilan në Kosovë, ku një efektiv policie ka vrarë me armë zjarri një qytetar.
Mediat kosovare bëjnë me dije se polici Vllaznim Hamdiu, banues në Malishevë ka qëlluar me armë zjarri në drejtim të shtetasit Lazim.S.
Informacionet bëjnë me dije se shkak për këtë ngjarje të rëndë është bërë një përplasje e lehtë e makinës së policit me kamionin e viktimës.
Inspektoriati Policor i Kosovës ka sekuestruar një armë GLOCK 9×19 që dyshohet se është përdorur nga i dyshuari në këtë rast dhe një karikator. Gjithahstu në makinën e autorit janë gjetur dhe sekuestruar edhe dy pistoleta të llojit Bereta.
