Një ngjarje tronditëse ka ndodhur në qytetin e Korçës.
Një grua ka lindur fëmijën në shtëpi dhe më pas e ka futur në një valixhe. Mësohet se fëmija ka ndërruar jetë. Ngjarja ka ndodhur në lagjen 15 në qytet.
Ndërkohë po bëhet ekspertiza e fëmijës.
“Në orët e para të mëngjesit të sotëm, shtetasi K. A., (emigrant në Greqi) ka bërë kallëzim në Komisariatin e Policisë Korçë, se ka gjetur në banesën e tij, në lagjen nr. 15, Korçë, një foshnjë të pajetë.
Bashkëshortja e tij, e cila vuan nga sëmundje të shëndetit mendor është transportuar në maternitetin e qytetit, për ekzaminime të mëtejshme.
Grupi hetimor po punon për sqarimin e rrethanave dhe dokumentimin e plotë të kësaj ngjarjeje”, njofton policia.