Protestat masive dhe tërheqja e Macron nga taksa e karburantit ka marrë vlerësime nga ana e deputetit demokrat Tritan Shehu.
Në një postim në “Facebook”, deputeti demokrat shprehet se francezët janë dëshmi e një populli që di të luftojë për të drejtat e tij.
Sipas deputetit demokrat, francezët treguan qartë se janë një popull që nuk durojnë dot padrejtësinë dhe arrogancën mbi kurrizin e tyre.
“Francezet, deshmi e nje populli qe di te luftoje per te drejtat e tij… dhe te fitoje. Qofte edhe duke vendosur “giljotinen” poshte zyrave te qeverisese… Ne fakt dikur i vendosen realet… Terhiqet Qeveria franceze perballe presionit popullor duke shpallur moratoriumin per rritjen e taksave te karburanteve, deri ne nje kompromis me protestuesit. Nje popull vital, me koshience qytetare ai, qe nuk duron dot padrejtesite e arrogancen mbi kurriz. Thelbesore keto vlera shpesh here, pikerisht per te vendosur drejtesi.”
Një mesazh ky, nga deputeti demokrat që duket se lidhet edhe me protestat që po zhvillojnë banorët e Unazës së Re kundër qeverisë.
