Kryeministri Edi Rama ka shprehur trishtim e keqardhje për viktimat e shkaktuar nga tërmeti që goditi këtë të premte Turqinë dhe Greqinë.
Në një mesazh të postuar në “Twitter”, kreu i qeverië ka përcjellë lutje për viktimat dhe solidaritet me familjet e tyre. Mes të tjerash, ai e ka konsideruar bisedën mes Erdogan dhe Mitsotakis një dritë mirësie dhe shprese për të nesërmen e Europës.
“Trishtim e keqardhje për goditjen nga tërmeti në Turqi e Greqi dhe lutje për viktimat e solidaritet vëllazëror me familjet e tyre🇹🇷❤️🇬🇷Në këtë ditë kaq të zymtë, biseda mes udhëheqësve të dy vendeve një dritë mirësie mes të dy popujve dhe shprese për të nesërmen e vetë Europës”, shkruan Rama.
