Miratimi i ligjit për minierën e Trepçës “ka krijuar tension publik shtesë ndërmjet Prishtinës dhe Beogradit, derisa implementimi i marrëveshjeve të arritura brenda kornizës së dialogut të lehtësuar nga Bashkimi Evropian, ka vazhduar me një ritëm të ngadalshëm”. Ky është konkluzioni i raportit të sekretarit të përgjithshëm të Kombeve të Bashkuara, Ban Ki-moon, në raportin tre mujor për zhvillimet në Kosovë, që do të diskutohet në Këshillin e Sigurimit të Kombeve të Bashkuara. Sikurse raporton REL, dokumenti evidenton se “tensionet e brendshme politike u përqendruan rreth mospajtimit për ratifikimin e marrëveshjes për demarkacionin me Malin e Zi. Në raport përshkruhen protestat kundër marrëveshjes për demarkacion dhe arrestimet e disa pjesëtarëve të lëvizjes Vetëvendosje.

Leave a Reply

Your email address will not be published.