Treni Shkodër – Tiranë përplas automjetin në Mamurras

Një person mbeti i plagosur rëndë mëngjesin e kësaj te mërkure në Fushë- Mamurras, pasi mjeti me të cilin ai udhëtonte u përplas nga treni i linjës Shkodër -Tiranë. Ngjarja ndodhi rreth orë 8:30 kur Gerald Biba ka tentuar të kalojë postbllokun hekurudhor, por ka mbetur mbi shina. Treni nuk ka mundur te frenoje ne kohe dhe ka marrë përpara për rreth 100 metra veturën me të cilën udhëtonte Biba. Për shkak të plagëve të marra, ai u dërgua menjëherë në Spitalin Ushtarak në Tiranë, ku ndodhet në gjendje të rëndë shëndetësore. Policia sqaroi se në segmentin ku ndodhi aksidenti nuk ka pasur asnjë element sinjalizues per mbërritjen e trenit, qe do te sillte dhe mbylljen e kalimit për automjetet.