Nga sot kanë kaluar 13 ditë që Trejsi Sejdini është vendosur në Tajlandë, aty ku do na përfaqësojë në kompeticionin e bukurisë “Miss Universe”.
Ka qenë spektakolare hyrja e bukuroshes Trejsi Sejdini mbrëmjen e djeshme në paradën me kostume tradicionale të mis-eve pjesëmarrëse nga e gjithë bota.
Trejsi është shfaqur në skenë e veshur me një fustan të gjatë të kuq me motive të zeza, duke fituar menjëherë simpatinë e publikut dhe videon e sfilatës e ka publikuar në profilin e saj në Instagram, duke e shoqëruar me ritme tradicionale shqiptare.
“Godas kuq e zi, përshëndes kuq e zi.”- ka shkruar Trejsi në postimin ku shkëlqen e veshur me ngjyrat e flamurit.
Në këtë mënyrë ajo ka fituar zemrat e të gjithë ndjekësve në rrjetet sociale të cilët e kanë komplimentuar për paraqitjen e saj dhe janë ndjerë krenarë.
Nuk na mbetet gjë tjetër veçse t’i urojmë fat Trejsit dhe ta përfaqësojë sa më denjësisht Shqipërinë dhe pse jo ta sjellë kurorën e më të bukurës në vendin tonë.
