Pavarësisht treguesve negativë të volumit të tregtisë gjatë mujit prill, duket se efektet negativë në këtë sektor nuk do të ndalën.
Muajt e verës pritet të thellojnë më tej rënien e import-eksporteve në rrugë detare. Ky fakt konfirmohet nga bizneset transportuese, të cilët thonë se këto kohë nuk janë bërë prenotime.
Rudolf Xhillari, transportues kontenierësh, tha në emisionin “E-Zonë” në “Vizon Plus” se kanë rënë prenotimet me afro 30% për muaj qershor –korrik.
“Pra efektet pritet të ndihen më shumë në muajt në vijim. Kjo ka ardhur si pasojë e pasigurive në të cilat kanë qënë tregjet këto muaj dhe vijojnë të jenë”, tha Xhillari.
Por sipërmarrësit e kësaj fushe theksojnë se shërbimi në portin e Durrësit duhet të përmirsohet dhe të kryhet në mënyrë elektronike, duke shmangur kohët e pritjes.
Vetëm në këtë mënyrë ky port mund të rrisë më tej volume tregtare për vendet nga Kosova dhe Maqedonia e Veriut. Sipas Xhillarit, bizneset e kanë më të lehtë të zgjedhin portet e tjera për shkak të shërbimit dhe teknologjisë që përdorin.
Pasiguria që krijoi në ekonom pandemia, bëri që shumë biznese të reja që ishin në fazën e hapjes apo të ndryshimit të aktivitetit të spostojnë projektet e tyre për një fazë të dytë, duke reflektuar në këtë mënyrë edhe në volumet e tregëtisë, në portin më të madh në vend.
