Tre viktima sot në Maqedoninë e Veriut, shërohen 38 pacientë

Maqedonia e Veriut ka regjistruar gjatë 24 orëve të fundit 21 raste të reja me koronavirus dhe 3 viktima.

Ministria e Shëndetësisë raporton se këtë të mërkurë janë shëruar 38 pacientë, duke e cuar në 627 numrin e të rikuperuarve në spital.

Viktimat ishin dy nga Kumanova dhe një nga Shkupi. Numri i përgjithshëm i personave që kanë humbur jetën si pasojë e virusit është 74.

Sipas të dhënave të fundit, numri i personave të diagnostikuar me Covid-19 në Maqedoninë e Veriut ka arritur në 1436.