OFL i ka nisur kërkesat me shkrim për vetëdeklarimin e burimeve të pasurisë, tre shtetasve të dënuar për vrasje me dashje dhe vjedhje me dhunë.
Më konkretisht ata që duhet të justifikojnë pasurinë e tyre janë:
Petrit Merja, me banim në Tiranë, i dënuar për veprën penale “Vjedhja me armë”;
Kreshnik Spahiu, me banim në Tiranë, i dënuar për veprat penale “Vjedhja me armë”, “Vjedhja me dhunë”, “Vrasja me dashje” e mbetur në tentativë, e kryer në bashkëpunim në formën e organizatës kriminale;
Aleks Dani alias Aleks Ternova, alias Idajet Ternova, me banim në Bulqizë, i dënuar për veprën penale “Vjedhja me pasoja të rënda”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.