Policia e Korçës arrestoi tre persona, ndërsa sekuestroi një sasi hashashi dhe municione ushtarake.
Sipas policisë rreth 9 kg lëndë narkotike e dyshuar si kanabis sativa, 4 granata luftarake ofensive si edhe 3 kapsolla detonatorë u gjetën në një pikë karburanti në vendin e quajtur “kryqëzimi i fshatit Dishnicë”.
Operacioni i koduar “itinerari” çoi në pranga pronarin e pikës së karburantit, Petro Kapurani, vëllain e tij Andrea Kapurani dhe Asllan Spahillari.
Policia bën me dije se sasia e lëndës narkotike u gjet gjatë kontrollit në një ambient të përshtatur për depozitë uji.
Ndërkohë uniformat blu nisën hetimet për verifikimin e pasurive të luajtshme dhe të paluajtshme, mjeteve të transportit dhe burimeve të tjera të përfitimit të të ardhurave të këtyre personave.
