Kryesia e Partisë Demokratike vendosi në mbledhjen e kësaj të diele në mënyrë unanime të përjashtojë nga gara për kreun e PD-së tre kandidatë.
Bëhet fjalë për emrat e Admir Mulajt, Edmond Vrapit dhe Mirjan Jashanllarit, nën argumentin se ata nuk janë anëtarë partie.
Emrat e mësipërm nuk janë regjistruar në regjistrin e simpatizantëve të partisë dhe nuk kanë profil politik, siç ka mundur të mësojë gazetari i “Vizion Plus”, Thimi Samarxhiu.
Në Kryesinë e PD-së po diskutohet për gjashtë kandidatët e tjerë.
