Tre banesa u përfshirë nga flakët mbrëmjen e kësaj të enjteje në qytetin e Durrësit. Ngjarja u shënua në lagjen numër 5, te stacioni i autobusëve të plazhit.
Nga zjarri nuk ka të lënduar në njerëz, por vetëm dëme materiale. Mësohet se banesat janë të vjetra dhe të pabanueshme.
Zjarrfikëset kanë mbërritur në vendin e ngjarjes dhe po mundohen që të shuajnë flakët, ndërsa nuk dihet ende shkaku i zjarrit.