Në Tiranë janë regjistruar tre aksidente këtë të diel. Sipas policisë, në njërin prej aksidenteve, një 65-vjeçar që lëvizte me biçikletë në rrugën “Gjin Bue Shpata”, u përplas nga një makinë.
Ai ndodhet në spital, jashtë rrezikut për jetën. Aksidenti i dytë ndodhi në Qafë Kashar, ku u përplas një këmbësore 55-vjeçare, po ashtu pa rrezik për jetën.
Kurse në rrugën “Ndre Mjeda”, një 40-vjeçar humbi kontrollin e mjetit dhe u përplas me pemën. Ai mori plagë të lehta.
