Shoqërime ka pasur edhe në Elbasan. Gjatë protestës që u zhvillua këtë të shtunë, efektivët e policisë kanë dërguar në Komisariat disa të rinj.
Teksa futet në furgonin e policisë, njëri prej protestuesve dëgjohet duke iu drejtuar efektivëve me fjalët: “Ça bona? Unë s’bëra gjë…”
Prej katër ditësh janë zhvilluar protesta në disa qytete për shkak të vrasjes së Klodian Rashës. Pas dorëheqjes së Sandër Lleshajt nga posti i ministrit të Brendshëm, ata kërkojnë largimin e Drejtorit të Përgjithshëm të Policisë, Ardi Veliu dhe reformim të gjithë policisë.
