Dy persona ranë në prangat e policisë së Lezhës pasi po transportonin pije alkoolike në mënyrë të kundraligjshme.
Operacioni u zhvillua në Fushë-Milot pas marrjes së informacioneve të sigurura rrugë operative se në një automjet tip Opel po transportoheshin mallra të prodhuara në mënyrë të paligjshme. Gjatë ndalimit uniformat blu gjetën dhe sekuestruan një sasi e konsiderueshme pijesh alkoolike të prodhuara në mënyrë të kundërligjshme.
Ndërkohë dy të arrestuarit akuzohen edhe për korrupsion aktiv ndaj persoanve që ushtrojnë funksione publike pasi gjatë ndalimit tentuan që të korruptonin punonjësit e policisë duke u ofruar 2 kartëmonedha të prerjes 1 000 lekë, me qëllim shmangien e kontrollit të mjetit.
