Shtetet e Bashkuara të Amerikës kanë akuzuar Rusinë se ka shkelur traktatin e armëve bërthamore START duke thënë se Moska po refuzon të lejojë aktivitete inspektimi brenda Rusisë.

 

Traktati vendos një kufi ndaj numrit të mbushjeve bërthamore strategjike, që mund të dislokojnë Shtetet e Bashkuara dhe Rusia për numrin e raketave tokësore dhe detare, si dhe të avionëve bombardues që mund të përdorin këto mbushje bërthamore.

 

DEPARTAMENTI AMERIKAN I SHTETIT

 

“Refuzimi nga Rusia për të lehtësuar aktivitetet e inspektimit ua mohon Shteteve të Bashkuara ushtrimin e të drejtave të rëndësishme të parashikuara në traktat dhe rrezikon zbatueshmërinë e kontrollit SHBA-Rusi për armët bërthamore”.

 

Ndër të tjera, ShBA është duke përgatitur më shumë se 2 miliardë dollarë ndihmë ushtarake për Ukrainën, e cila për herë të parë pritet të përfshijë raketa me rreze më të gjatë veprimi si dhe municione e armë të tjera.

 

Ndihma pritet të shpallet brenda kësaj jave dhe do të përmbajë pajisje mbështetëse për sistemet e mbrojtjes ajrore Patriot dhe armë antitank Javelin.

 

Në total, Shtetet e Bashkuara kanë ndarë mbi 27 miliardë dollarë si ndihmë për Ukrainën, prej kur Rusia ka nisur luftën në shkurt të vitit të kaluar.

 

Edhe aleatët perëndimorë kanë ofruar po ashtu armë me vlerë miliarda dollarë për Kievin.

Leave a Reply

Your email address will not be published. Required fields are marked *