Lavdi pafund, “e 11-ta”, “Reali fiton fale detajeve, lufta epike e Atletikos nuk mjafton” janë disa nga titujt e te përditshmeve sportive qe i referohen triumfit numër 11 te Los Blancos ne Champions League. Nje nate e pagjume e mbyllur ne agim me paradën e kampioneve me autobus ne Madrid. Reali nuk ka humbur as nje minute kohe, duke festuar triumfin e merituar. Zinedin Zidan, arkitekt i kësaj fitoreje shpërblehet menjëherë nga presidenti Florentino Perez me rinovim te kontratës deri ne vitin 2018. Vete trajneri ne konferencën pas takimit theksoi se ndihej i mrekulluar.
“Te gjithë e enderrojme nje trofe te tille si lojtare dhe e njëjta gje vlen edhe kur je trajner. Reali dhe historia e tij mund te dhurojnë emocione te tilla. E fituam me force dhe pune. Luftuam deri ne fund. E meritojnë te gjithë lojtaret. Te mendosh qe kam vetëm 5 muaj qe drejtoj ketë skuadër. Te fitosh diçka kaq te rëndësishme si Champuions League duhet shume me tepër se kaq muaj pune;” theksoi Zidan.
Ndërsa trajneri i Atletikos Diego Simeone ka befasuar jo pak mediat, kur është shprehur se Reali e meritoi fitoren. “Ne total, Reali ishte superiore dhe me duhet ta përgëzoj. Ata luajtën shume mire dhe shfrytëzuan gabimet tona. Skuadra qe fiton është gjithmonë me e mire se ajo qe humb. Nuk e nisem mire ndeshjen dhe mendoj se fillimi ndikoi edhe ne rezultatin final,” theksoi argjentinasi, i cili gjithashtu ka lëne te hapur te ardhmen e tij, duke u shprehur se do te reflektoje.
