Tragjike në Krujë/ 25-vjeçari bie nga kati i tretë i banesës, humb jetën

Një i ri ka humbur jetën në Krujë. Ngjarja e rëndë ndodhi mesditën e kësaj të shtune në Thumanë.

25-vjeçari i identifikuar me iniciale K.Ç. dyshohet se ka rënë nga kati i tretë i banesës së tij dhe si pasojë e plagëve të marra ka ndërruar jetë gjatë rrugës për në spital.

Grupi hetimor ndodhet në vendngjarje dhe po punon për zbardhjen e rrethanave të ngjarjes.