Tragjike në Egjipt/ Autobusi përplaset me kamionin, vdesin 21 pasagjerë

21 persona kanë ndërruar jetë pas një aksidenti të ndodhur në Egjiptin Jugor. Ata po udhëtonin me një autobus, i cili po tentonte të parakalonte një kamion në autostradë. Mes viktimave ishin edhe dy shoferët.

Ndërkohë, kanë mbetur të plagosur tre të tjerë.

Zyra e prokurorit publik të vendit tha se rruga ishte duke u rikonstruktuar dhe se nuk kishte drita ose shenja të trafikut.

Egjipti ka një rekord të dobët të sigurisë në transport. Aksidentet shkaktohen kryesisht nga shpejtësia, rrugët e këqija ose zbatimi i dobët i ligjeve të trafikut.