Ndërsa Europa përshëndet marrëveshjen e re mbi emigracionin e cila synon të parandalojë kalimet e rrezikshme të refugjatëve nga Lindja e Mesme përgjatë Mesdheut, Libia është në Zi.
Të paktën 100 emigrantë u mbytën, mes tyre edhe tre fëmijë, pasi varka me të cilin po udhëtonin drejt Europes u mbyt në Tripoli. Trupat e pajetë të disa prej viktimave, u nxorën me kujdes në breg nga roja bregdetare.
3 fëmijët janë viktimat e fundit të krizës së emigrantëve që humbin jetën në një varkë gome të tejmbushur me emigrantë të dëshpëruar në kërkim të një jetë më të mirë.
Vetëm 14 refugjatë libianë të cilët synonin Europën, kanë arritur të shpëtojnë.
Tragjedia vjen në një kohë kur krerët e Bashkimit Europian sapo mbyllën paktin mbi migracionin për një shpërndarje të drejtë të refugjatëve dhe forcim të kufijve të jashtëm të unionit.
Qindra njerëz kanë humbur jetën këtë vit në përpjekje për të kaluar përmes detit drejt brigjeve italiane apo atyre greke.
Ndërkohë, Që nga 6 qershori, rreth 33,400 emigrantë kanë arritur në Evropë, shumica e të cilëve në Greqi, Itali dhe Spanjë.
