Tragjedi ne fushe gjate një ndeshjeje ne Rumani. Futbollisti Patrik Ekeng i Dinamos se Bukureshtit humbi jetën, pasi pësoi një sulm ne zemër ne minute e 70 te ndeshjes qe skuadra e tij po luante kundër Vitorulit. 26- vjeçari kamerunas ra papritur ne toke afër mesit te fushës pa pasur kontakt me kundërshtaret apo me topin. Rrëzimi i tij ka sjelle ndërprerjen e menjëhershme te ndeshjes nga gjyqtari, teksa stafet mjekësore te dyja ekipeve kane tentuar t’i japin ndihmën e pare për ta përcjelle pastaj me urgjence drejt spitalit. Mjeket provuan për më shumë se 1 orë ta mbajnë ne jete, por Patrik Ekeng nuk ia doli dot mbanë. Pak më vonë ne një komunikim me mediat, doktorët thane se mesfushori 26 vjecar i Dinamos se Bukureshtit kishte humbur jetën, si pasoje e një ataku kardiak. Ekeng ne të kaluarën e tij kishte luajtur edhe për Kordoben ne Spanje, Lozanen ne Zvicër dhe skuadrën franceze te Le Mans. Ai regjistronte edhe 7 ndeshje me kombëtaren kamerunase. Ngjarja e rende shokoi jo vetëm dy ekipet, stafe dhe tifozerite e tyre, por edhe te gjithe opinionin futbollistik botëror, teksa raste të tilla kaq shokuese ne vitet e fundit nuk kanë qenë të pakta. Tek Dinamo e Bukureshtit ndodh për here te dyte nje tragjedi e tille, pasi ne vitin 2000 kapiteni Katalin Hildan humbi jetën kur po luhej nje ndeshje miqësore.

Leave a Reply

Your email address will not be published. Required fields are marked *