Një ngjarje e rëndë ka ndodhur pasditen e sotme në Elbasan, ku dy të mitur 7 dhe 9 vjeç, vëllezër me njëri-tjetrin, kanë humbur jetën ndërsa po laheshin në lumin Shkumbin.
Burime bëjnë me dije se dy të miturit në Labinot Fushë kishin dalë me familjarët e tyre për të ruajtur bagëtitë, dhe në një moment janë futur pë tu larë në lumin Shkumbin, por nuk kanë arritur të dalin më prej aty.
Për shkak të rrjedhes së fortë të lumit ata nuk kanë mundur të dalin në anën tjetër. Pavarësisht tentativës së ekipeve të emergjencës por dhe banorëve të fshatit nuk mundën t’i shpëtonin dy të miturit, të cilët u gjetën pak më vonë në një kanal posjhtë lumit të pajetë.
Ngjarja ka tronditur gjithë zonën , ndërsa familjarët ndodhen në gjendje të rënduar psikologjike të afërm e bashkëfshatarë të viktimave. Autoritetet kanë nisur hetimet për të zbardhur rrethanat e plota të kësaj tragjedie.
NJOFTIMI:
Në fshatin Labinot fushë, dyshohet se janë mbytur aksidentalisht në lumin Shkumbin dy fëmijë të moshës 7 dhe 9 vjeç (vëllezër).
Trupat e pajetë po transportohen për ekspertizë mjeko-ligjore.
Grupi hetimor dhe shërbimet e Policisë ndodhen në vendngjarje dhe vijojnë punën për sqarimin e plotë të rrethanave.
