Dy trena janë përplasur në Pakistan, duke lënë të vdekur rreth 40 persona deri më tani, ndërsa janë plagosur dhjetëra të tjerë.
Treni kishte si destinacion provincën Sindh, kur doli nga shinat dhe zbriti në një pistë tjetër. Kjo ka shkaktuar përmbysjen e një treni tjetër, i cili po kalonte nëpër atë pistë.
Ekipet e shpëtimit kanë bërë të ditur se shumë persona janë në gjendje kritike në spital.
Ndërkohë, vazhdojnë përpjekjet për të gjetur të mbijetuar, si dhe për të nxjerrë trupat e viktimave prej vagonëve të shkatërruar.
