Trafikonin emigrantë shqiptarë në Angli për 12 mijë euro, 8 në pranga

Policia në Itali ka goditur një bandë që përbëhej nga italianë dhe shqiptarë, pasi trafikonin emigrantë në Britaninë e Madhe.

Në kuadër të operacionit “Taken”, në pranga përfunduan 4 shqiptarë dhe 4 shtetas italianë, ndërsa 18 të tjerë po hetohen në gjendje të lirë.

Të arrestuarit siguronin karta identiteti të falsifikuara për qytetarë shqiptarë kundrejt pagesës. Shuma që ata paguanin varionte nga 1000 deri në 12,000 euro.

Hetimet ndaj këtij grupi nisën në vitin 2018, pas një grabitjeje të armatosur në një sallë videolojërash.