Një person iu drejtoi armën punonjësve të policisë. Ngjarja u regjistrua në një zonë të pyllëzuar në Cakran të Fierit, ku grupi policor po ushtronte kontroll për kultivimin e bimëve narkotike.
Efektivët pikasën një person me kallashnikov në dorë, trafikant hashashi, dhe i bënë thirrje ta hidhte armën.
Por ai nuk iu bind urdhrit dhe e mbushi armën me qëllim që të qëllonte policët.
Në këtë moment ndërhynë uniformat blu dhe neutralizuan trafikantin, ende të paidentifikuar. Për pasojë, ai mbeti i plagosur në sup, jashtë rrezikut për jetën.
Në vendngjarje u gjetën si prova materiale kallashnikovi dhe kanabisi i kultivuar në kubikë.
