Kryetarja e Lëvizjes për Ndryshim, Jozefina Topalli nuk e sheh edhe për shumë gjatë veten pjesë të politikës.

 

Gjatë një interviste për emisionin “7 pa 5” në “Vizion Plus”, Topalli deklaroi se ka ardhur momenti që figurat e vjetra të largohen, për t’u lënë vendin të rinjve.

 

Roli i saj është të ndihmojë brezin e ri që të angazhohet në jetën politike.

 

“T’u themi boll atyre që kanë qenë për tri dekada, të lirojmë vendin për të rinjtë, t’u japim një mundësi të rinjve, të largohem edhe unë pastaj. Edhe unë kam pjesën time të përgjegjësisë, por dua të ndihmoj këta të rinj. Ky vend ka nevojë për të një brez të ri dhe të gjithë të tjerët duhet të tërhiqemi.”

 

Përballë gazetarit Thimi Samarxhiu, ish-kryeparlamentarja vlerësoi ekipin e saj garues më 25 prill, duke u shprehur se janë profesionistë të ndershëm dhe të pakorruptuar. Ndryshimi, sipas saj, mund të vijë prej tyre dhe jo prej klasës së vjetër politike.

Leave a Reply

Your email address will not be published.